ڕاهێنەری نوێی یانەی چێڵسی، تۆماس توخێل لە ئاستی بەرگریکارانی یانەی چێڵسی ڕازی نییە و داوای لە ئیدارەی یانەکەی کردووە دوو یاریزانی ناوداری بۆ دابین بکەن.
ڕۆژنامەی دەیلی مەیڵی بەریتانی ئاشکرایکردووە، لەم وەرزەدا پێکهاتەی چێڵسی گۆڕانکاری تێداناکرێت و بەهەمان پێکهاتەی فرانک لامپاردەوە کۆتایی بە وەرز دەهێنن، بەڵام بۆ وەرزی داهاتوو تۆماس توخێل گۆڕانکاری گەورە ئەنجامدەدات بەتایبەت لە هێڵی بەرگری.
بەپێی سەرچاوەکە، توخێک لە ئاستی ڕودیگێر و کریستنسن و تەنانەت تیاگۆ سیلڤاش ڕازی نییە، بۆ ئەم مەبەستەش داوای لە ئیدارەی ڕۆمان ئەبرامۆڤیچ کردووە دوو بەرگریکاری پلە یەکی بەتوانای بۆ دابین بکەن، لە یەک کاتدا هەرسێ خەسڵەتی کەم تەمەنی و هێزی جەستەیی و زیرەکییان تێدا هەبێت.
ئەو دوو یاریزانەش کە دیاریکردوون، دایۆت ئوپامیکانۆی فەرەنسی ئەستێرەی یانەی لایپزیچ و نیکلاس سولی بەرگریکاری لاوی یانەی بایرن میونشنن.
یەکەمیان داواکراوی چەندین یانەی گەورەی وەک ڕیاڵ و بارسا و پاریس و یونایتد و بایرن میونشنە، دووەمیشیان لاوێکی بەهرەداری بایرنە و ماوەی سێ ساڵە لەلایەن یانە باڤارییەکەوە گرنگی پێدەدرێت، لەبەرئەوەیە داواکاریەکانی توخێل بە ئاستەم وەسفدەکرێن.
