فیفا ناوی بەهێزترین و لاوازترین خولی ناوخۆیی ئەوروپا ئاشکرادەکات

فیدراسیۆنی تۆپی پێی ئەوروپا باشترین خولە ناوخۆییەکانی ئەوروپا ئاشکرادەکات

فیدراسیۆنی تۆپی پێی جیهان “فیفا” ڕیزبەندی باشترین و خراپترین خولە ناوخۆییەکانی وڵاتانی ئەوروپا بڵاودەکاتەوە و خولی فەرەنسا لە پلەی یەکەمدایە.

باشترینەکان لەلایەن فیفاوە بە شێوەیەک دیاریکراون کە لە ماوەی 15 ساڵی ڕابردوودا (لە 2005وە تاوەکو ئێستا) زۆرترین پاڵەوانیان هەبووە، واتا پاڵەوانەکان هەمەجۆر بوون و تەنها یانەیەک و دووان نەبوون، بەوەش ڕێژەی کێبڕکێکردنی یانەکان دەردەکەوێت.

لەسەر ئاستی کیشوەری ئەوروپا، خولی پلە یەکی فەرەنسا “لیگا 1” بەهێزترین و کێبڕکێکارترین خول بووە لە ماوەی 15 ساڵی ڕابردوودا، تیایدا حەوت یانە توانیویانە نازناوەکە بەدەستبهێنن کە پێکهاتوون لە یانەکانی: مۆناکۆ، مۆنتیپیلێ، پاریس سانت جێرمان، ئۆڵیمپیک لیۆن، لیل، بۆردۆ، ئۆڵیمپیک مارسیلیا.

لە پلەی دووەمدا خولی نایابی ئینگلیزی هاتووە “پریمەرلیگ”، بەوپێیەی لە ماوەی 15 ساڵدا پێنج پاڵەوانی جیاوازی بە خۆیەوە بینیوە، کە پێکهاتوون لە یانەکانی: مانچستەر سیتی، مانچستەر یونایتد، لیڤەرپوڵ، چێڵسی، لیستەر سیتی.

پلەی سێیەمی باشترین خولەکانیش بۆ خولی پلە یەکی ئەڵمانیا بووە “بوندس لیگ”، کە لە ماوەی 15 ساڵدا چوار پاڵەوانی لە خۆگرتووە، یانەکانی بایرن میونشن، بوروسیا دۆرتمۆند، شتوتگارت، ڤۆلفسبۆرگ بوون.

لە پلەکانی چوارەم بۆ پێنجەم ئیسپانیا “لالیگا” و ئیتاڵیا “سیریا ئەی” ناویان هاتووە، کێبڕکێی یانەکان تیایاندا گشتگیر نەبووە و لە ماوەی 15 ساڵدا تەنها سێ یانە بوونەتە خاوەنی نازناوەکان، لە ئیسپانیا ڕیاڵ مەدرید و بەرشلۆنە و ئەتلەتیکۆ و لە ئیتاڵیاش یوڤانتۆس و ئینتەرمیلان و میلان.

بابەتی پێشتر

خشتە و کاتی یارییەکانی ئەمڕۆ، پێنجشەممە بەکاتی هەرێمی کوردستان

بابەتی دواتر

سلێمانی.. سێ تۆمەتبار دەستگیركران

بابەتی پەیوەندیدار
Total
0
Share