فێرلاند مێندیی بەرگریکاری باڵی چەپی یانەی ڕیاڵ مەدرید، ڕەنگە بۆ وەرزی داهاتوو چانسی یاریکردنی پێنەدرێت.
ڕۆژنامەی “ئەی ئێس”ی ئیسپانی ئاشکرای کردووە، لە وەرزی 2022/2023 ئەنتۆنیۆ ڕودیگێر هاوشانی ئیدێر میلیتاو لە پێگەی سەنتەری بەرگریدا بەکار دەخرێت، دەیڤید ئالابا دەگەڕێتەوە بۆ باڵی چەپی بەرگریکردن، ئەوەش گەورەترین زیان بە مێندی دەگەیەنێت.
مێندی لەدوای زێدانەوە نەیتوانیوە لە پێگەکەیدا جێگیر ببێت، لە وەرزی نوێشدا دوای گۆڕانکارییانەی کارلۆ ئەنچیلۆتی، ناوی دەخرێتە لیستی فرۆشتنەوە (ئەگەر پێویست بکات).
🤜 ⚽ 🤛#RMCity pic.twitter.com/wmZwGyBy14
— Real Madrid C.F. (@realmadrid) July 12, 2022
ئەم زانیارییانە هاوکاتن لەگەڵ دابەزینی ئاستی جەستەیی بەرگریکارە فەرەنسییەکە و پێکانە بەردەوامەکانی، بەهۆیەوە لە ئامادەکارییەکانی سەرەتای وەرزدا چەندین جار بە تەنها ڕاهێنانی کردووە، ئەنچیلۆتی بۆ پڕکردنەوەی پێگەکەی بانگهێشتی ڤینیسیۆز توبیاسی لاوی بەڕازیلی کردووە.
