بەڕێوبەرایەتیی گشتیی کەشناسیی ھەرێم ئەمڕۆ پێنجشەممە 1ی تشرینی یەكەم پێشبینییەکانی کەشوھەوای 48 کاتژمێری داھاتوو ڕاگەیاند، پێشبینی ئەوە دەکات لە ھەندێک ناوچەی شاخاوی نمە باران ببارێت.
بەڕێوبەرایەتیی گشتیی کەشناسی و بومەلەرزەزانیی ھەرێمی کوردستان لە ڕاگەیەندراوێکدا ئاماژەی بەوەكرد، ئەمڕۆ ئاسمانی پارێزگای ھەولێر ھەور و سبەیش لەنێوان پەڵەھەور و نیمچە ھەوردا دەبێت، ئەگەری بارانبارین لە ناوچە شاخاوییەکان و سنوورییەکاندا ھەیە.
جگە لە ناوچە شاخاوییەكانی هەولێر، بەپێی پێشبینییەكانی كەشناسی ئەگەری باران لە ناوچە شاخاوییەكانی دهۆك-یش هەیە، بەڵام لە سلێمانی و كەركوك ئاسمان لەنێوان ساماڵ و پەڵەهەوردا دەبێت.
ئەمڕۆش ئاسمانی زۆربەی ناوچەکانی کوردستان لەنێوان ساماڵ و پەڵە ھەور دەبێت و بەرزترین پلەی گەرما لە ھەولێر 36، دھۆک 34، سلێمانی 32 و لە کەرکوکیش 38 پلە دەبێت.
