بەڕێوەبەرایەتیی گشتیی هاتوچۆی هەرێم روونكردنەوەیەكی بڵاوكردەوە و دەڵێت، “داوا لە هاوڵاتییان دەكەین خۆیان لە كڕینی ئەو جۆرە ئۆتۆمبێلانە بە دووربگرن كە مەرجەكانی سەلامەتییان تێدا نییە”.
بەپێی روونكردنەوەیەكی بەڕێوەبەرایەتیی گشتیی هاتوچۆی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، لە هەندێك كەناڵی میدیایی و پلاتفۆڕمەكانی سۆشیاڵ میدیا دەنگۆی تۆماركردن و كۆدكردنی ئۆتۆمبێلی بێ سەرەتا و بڕاوە بەرامبەر بڕێك رسوومات بڵاودەكرێتەوە كە هەموو ئەو دەنگۆیانە دوورن لە راستی.
هەر لە راگەیەندراوەكەدا هاتووە، داوا دەكەین هاوڵاتییان خۆیان دووربگرن لە كڕینی ئەو جۆرە ئۆتۆمبێلانە كە مەرجەكانی سەلامەتییان تێدا نییە و دەنگۆی تۆماركردن و كۆدكردنیان ناڕاستە و پێچەوانەی یاسا و رێنمایی بەركارە.
