بابەتێکی ئاساییە کاتێک لە ڕیزبەندی گۆڵکارانی خولی پلە یەکی ئیسپانیا دەڕوانین، ناوەکانی مێسی و سوارێز لە لوتکەی ڕیزبەندیەکەدا دەخوێنینەوە.
دوانەی ناوبراو شەش وەرز (2014 بۆ 2020) بەدرێسی یەک یانەوە “بەرشلۆنە” مملانێیان بۆ چنینەوەی خەڵاتی گۆڵکاری لالیگا “پیچیچی” کرد، بەڵام لەم وەرزەدا دۆخەکە گۆڕانکاری بەسەرداهاتووە و دووانەی ناوبراو بۆ دوو یانەی جیاواز هەوڵی بەدەستهێنانی خەڵاتەکە دەدەن.
سوارێز لە هاوینی 2020 بەهۆی قەیرانی دارایی سەردەمی کۆرۆنا و خواستی ئیدارەی یانەوە ڕوویکردە یانەی ئەتلەتیکۆ مەدرید، لە یانە زەبەلاحەکەی مەدرید بە خێرایی خۆی گونجاند و تاوەکو ئەم ساتە لە لوتکەی ڕیزبەندی گۆڵکارانی خولی پلە یەکی ئیسپانیادایە بە 14 گۆڵەوە، لە کۆتا هەشت ڕوبەڕوبوونەوەدا نۆ گۆڵی تۆمارکردووە و لە تەمەنی 34 ساڵیدا وەک یەکێک لە باشترینەکان دەرکەوتووە.
سەرەڕای ئەوەی یونس ئەلنسەیری هێرشبەری یانەی ئیشبیلیە بە تۆمارکردنی 12 گۆڵ بە ماوەیەکی کەمتر پێشی مێسی گرتووە، بەڵام “پوڵگا” توانیویەتی ڕکابەری سوارێز بکات، بەلایەنی کەمەوە لە کۆتا هەفتەکانی لالیگا.
مێسی لەم وەرزەدا لە کۆی خول و پاڵەوانێتیەکان 16 گۆڵی تۆمارکردووە و ئەم ڕێژەیەش بۆ ئەفسانەکە هاوشێوەی ساڵانی ڕابردوو نییە، لە خولی ئیسپانیا گەیشتووەتە 12 گۆڵ و بەتایبەت لە لەکۆتا چوار ڕوبەڕوبوونەوەدا پێنج گۆڵی تۆمارکردووە.
“پوڵگا” لەسەرەتاوە لە ڕیزبەندییەکەوە بەهۆی پێکان و دابەزینی ئاستیەوە ئامادەنەبوو بەڵام وا دەردەکەوێت لە کۆتا ساتەکادا بەهێزەوە گەڕاوەتەوە، کێبڕکێکانیش تاوەکو نۆی ئایاری 2021 لەنێوانی و سوارێزدا گۆڵکاری وەرز یەکلاییدەبێتەوە.
