ئەمشەو، یەکشەممە لە چوارچێوەی ڕوبەڕوبوونەوەکانی هەفتەی 21ی خولی پلە یەکی ئیسپانیا، یانەی ئەتلەتیکۆ مەدرید بردنەوەی بەرانبەر قادیش تۆمارکرد.
ئەتلەتیکۆ مەدرید لە یاریگای ڕامۆن دی کارانزا بووە میوانی قادیش و یاری نێوانیان بە بردنەوەی کوڕانی سیمیۆنی بە ئەنجامی (2-4) کۆتاییهات.
لە سەرەتاکانی تایمی یەکەم ئەستێرەکانی ڕۆخی بلانکۆس گوشاری توندیان دروستکرد و چەندین هەلی مەترسیداریان ڕەخساند، لە خولەکی 28 لویس سوارێز گۆڵێکی ناوازەی تۆمارکرد و لە خولەکی 35 ئەلڤارۆ نیگرۆدۆ ئەنجامەکەی یەکسانکردەوە، لەکۆتا ساتەکانی ئەو تایمەدا (خولەکی 44) ساول نیگوێز گۆڵی دووەمی ئاتلەتی تۆمارکرد و تایمی یەکەم (2-1) کۆتاییهات.
لە تایمی دووەمدا ئەتلەتیکۆ هێرشەکانی چڕتر کرد، لە خولەکی 50 لەیس سوارێز بە لێدانی سزا گۆڵی سێیەم و فراوانکەری ئەنجامەکەی تۆمارکرد، لە خولەکی 71 ئەلڤارۆ نیگرۆدۆ گەڕایەوە و گۆڵی دووەمی تۆمارکرد، بەڵام لە کۆتا ساتەکاندا کوکی هیچ هیوایەکی بۆ یانەی خانەخەوێ نەهێشتەوە و گۆڵێکی لە خولەکی 88 تۆمارکرد و ئەنجامەکەی بۆ چوار گۆڵ بەرانبەر بە دوو فراوانکرد، یارییەکەش هەر بەو ئەنجامە لە بەرژەوەندی مەدریدیەکان کۆتاییهات.
https://streamable.com/p1mnhm
بەپێی ئەنجامە تۆمارکراوەکە، ئەتلەتیکۆ مەدرید بە کۆکردنەوەی (50) خاڵ لە لوتکەی ڕیزبەندی یانەکانی لالیگا بەتەواوی جێگیربوو، بەوپێیەی نزیکترین ڕکابەر لێیەوە یانەی ڕیاڵ مەدرید کە خاوەنی 40 خاڵە و جیاوازی نێوانیان 10 خاڵە، جگە لەوەی هندیە سوورەکانی مەدرید یارییەکی دواخراویشیان هەیە.
