ڕوسیا.. لە یەك ڕۆژدا هەزاران خۆپیشاندەر دەستگیركران

هاوڵاتییانی ڕوسیا داوای ئازادكردنی ناڤالنی دەكەن و پۆلیسی وڵاتەكەش تەنها لە ئەمڕۆدا، لە سەرتاسەری وڵاتەكە زیاتر لە 4 هەزار كەسی لە خۆپیشاندانەكان دەستگیركردووە.

سكای نیوز بڵاویكردووەتەوە، ئەمڕۆ یەكشەممە 31ی كانونی دووەم، لە خۆپیشاندانەكانی ڕوسیا بۆ ئازادكردنی گەورە ئۆپۆزسیۆنی وڵاتەكە ئالێكسی ناڤالنی، پۆلیسی ڕوسیا 4 هەزار و 27 كەسی دەستگیركردووە.

ئاماژە بەوەشكراوە، بەگوێرەی ئامارەكانی “ئۆ ڤی دی ئینفۆ” كە ڕێكخراوێكی تایبەتمەندی چاودێریكردنی خۆپیشاندانەكانە، لەو ژمارەیە هەزار و 167 كەسیان تەنها لە مۆسكۆ دەستگیركراون.

ئەوەش لەكاتێكدایە، پۆلیسی ڕوسیا پێشتر هۆشداریدا لە بەشداریكردن لەو خۆپیشاندانانەی بۆ ئازادكردنی ناڤالنی بەرێوەدەچن.

لە 17ی ئەم مانگە، لەكاتی گەڕانەوەی لە ئەڵمانیاوە بۆ ڕوسیا، پۆلیسی ڕوسیا ئالێكسی ناڤالنی دەستگیركرد.

بابەتی پێشتر

ئاتالانتا 1-3 لازیۆ

بابەتی دواتر

(ڤیدیۆ) ئەتلەتیکۆ، قادیشی کوتا بەزەویدا جیاوازییەکەی لەگەڵ ڕیاڵ گەیاندە 10

بابەتی پەیوەندیدار
Total
1
Share