کەمخەوی یەکێکە لەو گرفتانەی کە رووبەڕووی مرۆڤ دەبێتەوە، لە قۆناغێکی ژیانی تایبەتی خۆیدا بە هەر هۆکارێکی تایبەت و جیاواز لە یەکێکی دیکە، بەڵام گرنگیی خەوی باشی شەوانە نابێت بە کەم تەماشا بکرێت، توێژینەوەیەکی نوێ باس لەو گرفتانە دەکات کە مرۆڤ بەهۆی کەمخەوییەوە تووشیان دەبێت.
لێکۆڵینەوەیەکی نوێ ئاشکرای کردووە، خەوی باش دەبێتە هۆی باشترکردنی لێدانی دڵی مرۆڤ و خەوی ئارام کاریگەری لەسەر هەرسکردن و کۆئەندامی دەمار و سوڕی خوێن و تەندروستی ئێسکەکانیش هەیە.
لە بەرامبەریشدا باس لە چەند نیشانەیەک دەکات لەو کەسانە دەردەکەوێت کە خەوی پێویستییان نییە:
رەقبوونی خوێنبەرەکان
بەرزی پەستانی خوێن (بەرزی فشاری خوێن)
زیادبوونی هەوکردن
شەکرە
زیادبوونی کێش بە شێوەیەکی چاوەڕواننەکراو
بەرزی کۆلیسترۆڵ.
ناهاوسەنگی هۆرمۆنەکان
بەرگری ئەنسۆلین
کەمبوونەوەی پاڵنەرەکان کە دەبێتە هۆی ناچالاکیی جەستەیی
بەرزبوونەوەی پڕۆتینی CRP کە نیشاندەری هەوکردنی زیادەیە.
خەمۆکی، دڵەڕاوکێ، ماندوێتی لە رۆژدا، و سەختی سەرنجدان.
