مەكتەبی سیاسیی یەكێتی پەیامێك بڵاودەكاتەوە و دەڵێت، “بەبۆنەی یادی لەدایكبوونی حەزرەتی مەسیح(سڵاوی خوای لێ بێت)، گەرمترین پیرۆزبایی لەخوشك و برا مەسیحییەكانی هەرێمی كوردستان و عێراق دەكەین ، ئەم یادە پیرۆزە بە خۆشی و شادی بەسەربەرن”.
هەر لە پەیامەكەدا هاتووە، مەسیحییەكان پێكهاتەیەكی دێرینی ئەم خاك و نیشتمانەن، بە درێژایی میژوو لەگەڵ موسڵمانان و ئایینەكانی تر بە ئاشتی و ئارامی ژیاون.
ئاماژە بۆ ئەوەش كراوە، هەر لەم سۆنگەوە یەكێتیی نیشتمانیی كوردستان هەمیشە تەئكید لە قووڵكردنەوەی گیانی پێكەوەژیان و پاراستنی ماف و دەستەبەركردنی ئازادی و ئارامی بۆ مەسیحیەكان و تەواوی پێكهاتەكانی هەرێمی كوردستان دەكاتەوە.
