وەزارەتی دارایی هەرێم ڕایدەگەیەنێت، سەرەتای هەفتەی داهاتوو دەست بە دابەشكردنی موچە دەكرێت.
وەزارەتی دارایی و ئابوریی هەرێمی كوردستان ئەمڕۆ یەكشەممە 17ی كانونی یەكەم لە ڕاگەیەندراوێكدا ئاشكرایكرد، ڕۆژی یەکشەممەی هەفتەی داهاتوو 2021/1/24، دەست بە دابەشكردنی موچە دەكرێت.
ڕوونیشیكردەوە، دابەشکردنی موچە بە لێبڕینی 21% بۆ موچەخۆرانی ئاسایی و 50% بۆ پلەتایبەتەکان بە هەمان میکانیزمی مانگی پێشوو و بە پێی خشتەی پەیڕەوکراو دەبێت.
وەزارەتی دارایی ئاشكراینەكردووە موچەی كام مانگ دابەشدەكرێت، لە كاتێكدا پێشتر داوای لە گەنجینەكان كردبوو، لیستی موچەی مانگەكانی 11، 12ی ساڵی 2020 و 1ی ساڵی 2021 ئامادەبكەن.
لە ساڵی ڕابردوودا حکومەتی هەرێم تەنها هەشت موچەی دابەشکردووە، هەریەکە لە مانگەکانی چوار، پێنج، شەش، حەوت و هەشتی ئەو ساڵە لەلایەن حکومەتەوە دابەشنەکران بەبێ ئەوەی بڕیاری پاشەکەوتکردنیان بدرێت.
