داواكاریی وەزارەتی خوێندنی باڵا بۆ بەگرێبەستكردنی وانەبێژانی سەر بە وەزارەتەكە پەسەندكرا.
د. هەڵەت رەشید، سەرۆكی زانكۆی چەرموو بە تۆڕی میدیایی ئێستای راگەیاند، ئەنجومەنی وەزیران رەزامەندی نیشاندا لەسەر بەگرێبەستكردنی وانەبێژانی زانكۆ و پەیمانگاكانی سەر بە وەزارەتی خوێندنی باڵا.
وتیشی، “بە گرێبەستكردنەكە سەرجەم وانەبێژانی ئەمساڵ و ساڵانی رابردوو دەگرێتەوە، ئەوانەی ناوەكانیان لەلایەن زانكۆ و پەیمانگاكانەوە بەرزكراوەتەوە”.
بەپێی زانیارییەكانی تۆڕی میدیایی ئێستا، ژمارەی وانەبێژانی وەزارەتەكە زیاتر لە سێ هەزار كەسە و دوای بە رەسمی دەرچوونی بڕیاری بەگرێبەستكردنەكە لەلایەن وەزارەتی خوێندنی باڵاوە، وانەبێژان دەتوانن سەردانی زانكۆكانیان بكەن و مامەڵەی دامەزراندن بە گرێبەست ئەنجامبدەن.
