بەیانیی ئەمڕۆ کارگەیەکی یاریی ئاگرین لە خانەقین تەقییەوە، بەهۆیەوە دوو کەس گیانیان لەدەستداوە و سێ کەسیش بریندارن.
پەیامنێری تۆڕی میدیایی ئێستا لە گەرمیان گواستیەوە، ڕووداوەکە کاتژمێر 10:00ی بەیانی بووە، شوێنەکە کارگەی دروستکردنی یارییە ئاگرینەکان بووە و ئاگری گرتووە.
لە ڕووداوەکەدا دوو کەس گیانیان لەدەستداوە کە لە کارگەکە پاسەوان بوون و لەکاتی دەوامدا بوون، هەروەها سێ کەسیش برینداربوون کە تەندروستیی دووانیان ناجێگیرە.
تا ئێستا هۆکاری ئاگرکەوتنەوەکە نەزانراوە.
