بە گوێرەی راگەیەندراوی بەڕێوەبەرایەتیی گشتیی تەندروستیی سلێمانی، لە رۆژی جەژندا 5077 کەس سەردانی نەخۆشخانەکانی سنووری سلێمانییان کردووە و دامەزراوە تەندروستییەکان بەردەوامبوون لە پێشکەشکردنی خزمەتگوزارییەکان.
تەندروستیی سلێمانی ئاماژەی بەوەکردووە، لەنەخۆشخانەی شار 2.247 نەخۆش سەردانیان كردوە و 688 نەخۆش داخڵكراون و 301 نەشتەرگەری لەبەشی فریاكەوتن ئەنجامدراوە، 83 برینداری رووداوی هاتوچۆ و 43 برینداری جۆراوجۆر و 315 شكاوی چارەسەركراون و 108 شووشتنەوەی گورچیلە ئەنجامدراوە.
لەلایەکی دیکەشەوە، لە نەخۆشخانەی دكتۆر جەمال ئەحمەد رەشیدی مناڵان 1.716 منداڵ لەبەشی راوێژكاری بینراون و 155 منداڵ داخڵكراون و چارەسەری پێویستیان بۆ كراوە.
هاوکات، لەرۆژانی جەژندا 180 نەخۆش سەردانی نەخۆشخانەی هیوایان كردوە و چارەسەری پێویستیان بۆ كراوە و لەنەخۆشخانەی مناڵبوونی فێركاری 271 نەخۆش سەردانیان كردوە و 75 نەخۆش داخڵكراون و 58 منداڵ لەدایكبوون و 31 منداڵ كوڕ و 27 منداڵ كچ بوون.
لە نەخۆشخانەی پسپۆڕییەكانی دڵ لە سلێمانی 67 نەخۆش داخڵ بوون و 15 نەشتەرگەری قەستەرە و 14 نەشتەرگەری دانانی باڵۆن كراوە و لە نەخۆشخانەی سوتاوی و نەشتەرگەری جوانكاریی 123 كەس سەردانیان كردووە و 4 نەخۆش داخڵكراون و چارەسەریان بۆ كراوە و لەنەخۆشخانەی كۆئەندامی هەرس و جگەر 19 نەخۆشی كتوپڕی خوێنبەربوونی گەدە و كۆڵۆن چارەسەركراون و 7 نەخۆش تەنی نامۆ لەگەدەیان دەرهێنراوە.
لەسەنتەری فریاكەوتنی خێرای ژمارە (122) لەرۆژانی جەژندا 190 دەرچوون هەبووە و 40 حاڵەتی بەهاناوەچوونی رووداوی هاتوچۆ و بریندار و كەوتنەخوارەوە بووە، 150 حاڵەتی گواستنەوەی نەخۆش بووە.
لەبانكی خوێن لە سلێمانی پشكنین بۆ 335 كەس كراوە بەمەبەستی وەرگرتنی خوێن، خوێن لە 288 كەس وەرگیراوە و 182 بتڵ خوێن بۆ نەخۆشخانە حكومیەكان و 48 بتڵ خوێن بۆ نەخۆشخانە ئەهلیەكان ئامادەكراوە.
لەسەنتەری گورچیلەی دەستكرد 102 نەخۆش سەردانیان كردوە و شووشتنەوەی گورچیلەیان بۆ ئەنجام دراوە.
لەنەخۆشخانەی ئەڵمانی بۆ چارەسەری نەخۆشیەكانی كۆئەندامی هەناسە 10 نەخۆش داخڵ كراون و چارەسەریان بۆ كراوە.
