بەڕێوەبەرایەتیی هاتوچۆی سلێمانی هۆشداریی دەداتە شۆفێران کە فلاشەری پۆلیس لە ئۆتۆمبێلەکانیان نەبەستن.
بەڕێوەبەرایەتیی هاتوچۆی سلێمانی لە راگەیەندراوێکدا بڵاویکردەوە، نابێت شۆفێران بەهیچ شێوەیەک فلاشەری پۆلیسی لە ئوتومبیلەکانیان ببەستن لەبەرئەوەی قەدەغەیە و لە مەفرەزەکانی هاتووچۆدا لێپێچینەوە لە کەسی سەرپێچیکار دەکرێت و رووبەڕووی سزای یاسایی دەکرێتەوە.
ئاماژەی بەوەشکرد، ئەم جۆرە فلاشەرانە تەنها بۆ ئۆتۆمبێلەکانی هێزەکانی ئاسایشی ناوخۆ و هێزە تایبەتەکانی وەزارەتی ناوخۆیە، هیچ لایەن و دامودەزگایەک بۆی نییە دایبنێت و دانانی کارێکی قەدەغەیە و لێپرسینەوەی یاسایی لەگەڵ دەکرێت.
