بەڕێوەبەری دابەشکردنی کارەبای سەیدسادق، رایدەگەیەنێت، بەهۆی سەرپێچییەوە کارەبای 50 دوکان و شوێنی بازرگانییمان بڕی.
ئاسۆ ئەحمەد، بەڕێوەبەری دابەشکردنی کارەبای سەیدسادق رایگەیاند” ئەمڕۆ یەکشەممە تیمەکانی چاکسازی دووی سەیدسادق و تیمی زیادەڕۆی بەڕێوەبەرایەتیی دابەشکردنی کارەبای سەیدسادق لە سنووری گوندی کانی پانکە، کارەبای 50 دوکان و شوێنی بازرگانییان بڕی.
لەبارەی هۆکاری بڕینی کارەبای ئەو شوێنانەوە، ئاسۆ ئەحمەد، دەڵێت، بەهۆی ئەوەی بە زیادەڕەویی لەژێر هێڵەکانی کارەبا، دوکان و کەپریان دروستکردبوو، هەروەها هەندێک دوکانیش بە نایاسایی و سەرپێچی کارەبایان راکێشابوو.
