بە گوێرەی زانیارییەکانی پەیامنێری تۆڕی میدیای ئێستا، لە هەولێر لافاو دروستبووە، بەهۆیەوە لە چەند شەقامێکی سەرەکیی شارەکە ئاستەنگی هاتوچۆ دروستبووە و لە نزیک پردی سەیداوەی هەولێریش، چەندین ئۆتۆمبێلی هاوڵاتییان ژێرئاو کەوتوون.
پەیامنێری تۆڕی میدیایی ئێستا ئاماژەی بەوەکرد، ئاستەنگی هاتوچۆ لە شەقامەکانی 100 مەتری و 60 مەتریی شارەکە دروستبووە بەهۆی لافاوەوە.
لەلایەکی دیکشەوە، لە نزیک پردی سەیداوە چەندین ئۆتۆمبێلی هاوڵاتییان بە تەواویی ژێرئاو کەوتوون.
ماوەی دوو رۆژە شەپۆلێکی بارانبارین ناوچەکانی هەرێمی کوردستانی گرتووەتەوە، چەندین جار هۆشداری لەبارەی لافاوەوە دراوە و پارێزگاری هەولێر ئەمڕۆ رایگەیاند، تیمەکانی بەرگریی شارستانی لە حاڵەتی ئامادەباشیی پێویستدان و رێگری لە دروستبوونی لافاو کراوە.
