بەپێی ئەو زانیارییانەی بە تۆڕی میدیایی ئێستا دراون لە قەزای خەباتی سەر بە پارێزگای هەولێر باوكێك كوڕەكەی خۆی كوشتووە و تەرمەكەی فڕێداوەتە ناو ئاوی زێی خەباتەوە.
ئاماژە بەوەشكراوە، ئەو كوڕە تەمەنی 30 ساڵە و بە بیانووی ئەوەی چەند جارێك كێشەی بۆ ئەو ماڵە ناوەتەوە باوكەكەی خنكاندوویەتی ویستوویەتی تاوانەكە بشارێتەوە دواتر باوكی دەستگیركراوە و تا ئێستا تەرمی كوڕەكە نەدۆزراوەتەوە.
تیمەكانی بەرگریی شارستانی سەرقاڵی گەڕانن بەدوای تەرمەكەیدا.
بەپێی زانیارییەكان، كوڕەكە خێزاندارە و خاوەنی دوو منداڵە.
