پۆلیسی سلێمانی ڕایدەگەیەنێت، دوو تۆمەتبار دەستگیركراون كە بە چەقۆ كەسێكیان برینداركردووە و دواتریش بۆ دەربازبوون تەقەیان بە ئاسماندا كردووە.
بەڕێوەبەرایەتیی پۆلیسی پارێزگای سلێمانی بڵاویكردەوە، لە گەڕەكی وڵوبە لە شاری سلێمانی دوو تۆمەتبار هێرشیانكردەسەر هاوڵاتییەك و بەچەقۆ برینداریانكرد، بۆ دەربازبوونیشیان تەقەیان بەئاسماندا کردبوو.
دوای ئەوەی مەفرەزەكانی پۆلیس گەیشتنە شوێنی ڕووداوەكە، توانرا لەلایەن بنكەی پۆلیسی چوارچراوە هەردوو تۆمەتبار، كە بران، دەستگیربكرێن و دەستیش بگیرێت بەسەر ئەو چەكەی تەقەیان پێكردووە.
پۆلیسی سلێمانی ڕوونیكردووەتەوە، لەئێستادا هەردوو تۆمەتبار (ب.ج.ج) و (ه.ج.ج) بە بڕیاری دادوەر ڕاگیراون و لێكۆڵینەوە لەگەڵیاندا بەردەوامە.
