دوای دروستبوونی گرژیی لە پەیوەندییەکان لە هەفتەی رابردوودا لە نێوان ئێران و پاکستان و ئاڕاستەکردنی چەند موشەکێک بەرەو وڵاتانی یەکدی، هەردوو وڵات رێککەوتن پەیوەندییەکان ئاسایی بکەنەوە.
ئەمڕۆ سێشەممە، وەزیری دەرەوەی ئێران و وەزیری دەرەوەی پاکستان پەیوەندییەکی تەلەفونییان ئەنجامدا، تێیدا گفتوگۆی ئەوەیان کردووە رۆژی هەینی باڵیۆزانی وڵاتەکانیان لای یەکتر دەستبەکار ببنەوە.
هاوکات، لەسەر بانگهێشتی جەلیل عەباس جیلانی وەزیری دەرەوەی پاکستان، حوسێن ئەمیر عەبدوڵڵاهیان وەزیری دەرەوەی ئێران، لە ٢٩ی ئەم مانگە سەردانێک بۆ پاکستان ئەنجام دەدات.
