وەزارەتی شارەوانی و گەشتوگوزار بڕیاریدا لە داهاتی 17% ی ئاوی ساڵی 2023 دوو پرۆژە لە سلێمانی جێبەجێبکرێت.
وەزارەتی شارەوانی و گەشتوگوزار بڵاویکردەوە، لەسەر رێژەی 17%ی داهاتی ئاو لە سنووری بەڕێوەبەرایەتیی ئاوی سلێمانی و بەپێی پلانی ساڵی 2023 لەلایەن وەزارەتی شارەوانی و گەشتوگوزارەوە فەرمانی خەرجكردنی زیاتر لە 486 ملیۆن دینار بۆ دوو پرۆژە لە سنووری بەڕێوەبەرایەتیی ئاوی سلێمانی دەرکراوە.
ئاشکراشیکرد، پرۆژەكان بریتین لە پرۆژەی دابینكردنی پۆستەر پەمی 750 m3/hr بە (200 m/head) بۆ پرۆژەی ئاوی (P.W.J) و جێبەجێكردنی پرۆژەی راكێشانی بۆریی ئاو بۆ بەهێزكردنی ئاوی گەڕەكی وڵوبە/236 لە سنووری بەڕێوەبەرایەتیی ئاوی سلێمانی.
