سەرۆكایەتیی شارەوانیی سلێمانی ڕایدەگەیەنێت، بڕیاردرا بە دروستكردنی بەرزەپرد و ئەندەرپاسێك لەسەر ئەركی وەبەرهێنێك لەبەردەم بەڕێوەبەرایەتیی تۆماركردنی خانووبەرەی دووەمی سلێمانی.
بەپێی ڕاگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ پێنجشەممە ئەنجومەنی شارەوانیی سلێمانی، كۆبووەوە،لەو دانیشتنەدا چەندین بڕیاڕ واژووی لەسەركرا كە لەبەرژەوەندیی هاوڵاتییاندایە و بڕیاری پێویستیان لەبارەوەدرا.
لە ڕاگەیەندراوەكەدا هاتووە، ئەنجومەنی شارەوانی بڕیاریدا بە دروستكردنی ”بەرزەپردو ئەندەرپاسێك”، لەسەر ئەركی وەبەرهێنێك، بۆ (u-turn)كازیوە، بەردەم بەڕێوەبەرایەتیی تۆماركردنی خانووبەرەی دووەمی سلێمانی كە دەبێتە هۆی خزمەتێكی گەورە بەو ناوچەیە و كەمكردنەوەی قەڕەباڵغی ئۆتۆمبێل و كارسانی زیاتر بۆ هاوڵاتییان دەكات.
