توێژینەوەیەکی نوێی زانستیی سەلماندویەتی خواردنی تەماتە و بەرهەمەکانی بە شێوەیەکی رۆژانە لە بەرزبوونەوەی فشاری خوێن دەتپارێزێت.
توێژەران بۆ ئەنجامدانی توێژینەوەکە حەوت هەزار و 56 کەسیان بەشداری پێکرد، کە لەژێر هەڕەشەی تووشبوون بە نەخۆشییەکانی دڵ و خوێنبەرەکان بوون و بەشداربووەکانیان کرد بە چوار گروپی جیاوازەوە و هەریەکەیان بە رێژەی جیاواز بۆ ماوەیەک خرانە ژێر ئەزموونی خواردنی تەماتە.
لە کۆتایی توێژینەوەکەدا توێژەران بۆیان دەرکەوت ئەو کەسانەی رۆژانە زیاتر لە 110 گرام تەماتە دەخۆن فشاری خوێنیان کۆنتڕۆڵترە .
تەماتە جگە لەو سوودەی لە سەرەوە باسکرا دژە هەوکردنە و دژی کێشەکانی دڵ و شەکرەیە ئەگەری تووشبوون بە شێرپەنجە کەمدەکاتەوە و فشەڵبوونی ئێسک ناهێڵێت.
