بەڕێوەبەرایەتیی چاككردن و پاراستنی رێگاوبانی چەمچەماڵ رایدەگەیەنێت، ئاگاداری سەرجەم شۆفێران دەكەینەوە كە پردی “ئاوەتەقیوەكە” لەسەر رێگای سلێمانی – چەمچەماڵ نۆژەندەكرێتەوە و چاكسازی لە جۆینەكانی دەكرێت و بۆیە بەشێك لە رێگاكە كراوە بە یەك ئاراستە (یەك ساید).
لە راگەیەندراوەكەی بەڕێوەبەرایەتیی چاككردن و پاراستنی رێگاوبانی چەمچەماڵدا هاتووە، لە ئێستادا رێگای ڕۆیشتن لە سلێمانی بۆ چەمچەماڵ داخراوە و هێمای هاتوچۆ دانراوە.
هەر لە راگەیەندراوەكەدا هاتووە، “پێویستە شۆفێران وریابن تاوەكو رێگاكە چاكدەكرێتەوە”.
