جەڵتەی دڵ یەکێکە لە حاڵەتە لەناکاوەکانی تەندروستیی گەر لە ماوەیەکی کەمدا چارەسەرنەکرێت رەنگە ببێتە هۆی مردن.
بە وتەی پزیشکانی ئەمریکی تووشبوون بە جەڵتەی دڵ نیشانەی پێشوەختەی هەیە و دەکرێت بەر لە 24 کاتژمێر و زیاتریش هەستیان پێبکرێت و بناسرێنەوە و ببێتە هۆی رزگارکردنی ژیانی نەخۆشەکە.
بەپێی ئەنجامی توێژینەوەیەک کە لە ویلایەتە یەکگرتووەکانی ئەمریکا ئەنجامدراوە و 1500 کەس بەشدارییان تێداکردووە و دەرکەوتووە ئەو کەسانەی تووشی جەڵتەی دڵ بوون بەر لە 24 کاتژمێر هەستیان بەم نیشانانە کردووە.
-هەناسەتوندی، یەکێکە لە نیشانە پێشوەختە زۆر بەربڵاوەکانی جەڵتەی دڵ و %44 ی تووشبووەکان ئەم نیشانەیەیان هەیە.
-ئازاری سنگ، دووەم نیشانەی جەڵتەی دڵە و نزیکەی سێیەکی نەخۆشەکان هەستی پێدەکەن.
-ئارەقکردنەوە، ئەم نیشانەیە زیاتر تایبەتە بە پیاوان و %12 ی نەخۆشەکان هەستیان پێکردووە.
-هەستکردن بە جەڵتەی سووک %11 ی نەخۆشەکان هەستی پێدەکەن، جگە لەوانەش ئێڵنج و رشانەوە و کۆکە نیشانەی دیکەی تووشبوونن بە جەڵتەی دڵ.
