وەزارەتی تەندروستیی هەرێم ڕایدەگەیەنێت، زیاتر لە 800 توشبووی نوێی كۆرۆنا تۆماركراوە و 10 توشبووش گیانیان لەدەستداوە.
وەزارەتەكە ئەمڕۆ دووشەممە 29ی ئازار ئاماری 24 كاتژمێری ڕابردووی بڵاوكردەوە و دەڵێت، لەو ماوەیەدا هەشت هەزار و 955 پشكنین ئەنجامدراوە و لەو ژمارەیە 839 توشبووی نوێ تۆماركراوە.
هەر لەو ماوەیەدا 352 توشبوو چاكبوونەتەوە و 10 توشبووش گیانیان لەدەستداوە.
بەپێی ئامارەكە كۆی توشبووانی كۆرۆنا لە هەرێم گەیشتە 120 هەزار و 319 توشبوو، لەو ژمارەیە 108 هەزار و 835-یان چاكبوونەتەوە و سێ هەزار و 653 توشبووش گیانیان لەدەستداوە.
