دوێنێ 26 ی کانونی یەکەم، منداڵێکی تەمەن 12 ساڵان لە هەولێر، بە جانتایەک و قەمسەڵەیەکەوە لەماڵ چووەتە دەرەوە و تا ئێستاش خێزانەکەی و پۆلیس بەدوایدا دەگەڕێن.
ڕۆژگار حەمەد، باوکی ڕۆژینی 12 ساڵ، بە تۆڕی میدیایی ئێستای ڕاگەیاند، “لە دوێنێوە تا ئێستا لەگەڵ پۆلیس و کەسوکاری خۆمان بەدوای کچەکەمدا دەگەڕێن و تا ئێستاش هیچ سەرەداوێک نییە”.
بە وتەی ڕۆژگار حەمەد، ئەو دوێنێ کەمێک لە ڕۆژگار توڕەبووە و زلـەیەکی لێداوە، ئەویش تۆراوە و لەماڵ چووەتە دەرەوە.
باوکی ئەو کچە دەڵێت، کاتێک لەگەڵ خوشکێکی دیکەیدا کەمێک دەمەقاڵێیان هەبووە و ئەو بۆ هێورکردنەوەیان زلەیەکی لە ڕۆژینداوە.
بە وتەی پۆلیسی هەولێر و کەسوکاری ڕۆژین، کاتێک لەماڵ چووەتە دەرەوە لە کامێرەی چاودێری نزیک ماڵی خۆیان دەرچووە و ئێستا کامێرە بە کامێرە بەدوایەوەن و تا بزانن چەنێک دوورکەوتووەتەوە..
ڕۆژگار حەمەد، باوکی ڕۆژین دەڵێت هیوادارە هەرکەس لە هەر شوێنێکی هەرێمی کوردستان کچەکەی ئەوی بینی بەم ژمارە تێلەفۆنە ئاگاداری بکاتەوە،07504554017
