بریكارەكانی دابەشكردنی خۆراك لە كەركوك، داوا لە هاوڵاتییان دەكەن پەلەبكەن لە سەردانی شوێنەكانیان بۆ ئەوەی هێلكە و نیشاستەی بەشەخۆراك وەربگرن.
ئەو هێلكەیە تایبەتە بە بەشەخۆراكی مانگی رەمەزان و بریكارەكان دەڵێن، بەهۆی بەرزبوونەوەی پلەكانی گەرماوە مەترسیی خراپبوونی لەسەرە و داواكارن هاوڵاتییان بڕۆن بۆ وەرگرتنی.
لە بەشەخۆراكی تایبەت بە مانگی رەمەزاندا، وەزارەتی بازرگانیی عێراق چوار خۆراكی زیادكرد، كە بریتی بوون لە نیشاستە، ئاردی سفر، شەعرییە و هێلكە، پێشتر شەعرییە و ئاردی سفر دابەشكراون و لە كەركوك دەستكراوە بە دابەشكردنی هێلكە و نیشاستە.
