ریزبەندی وڵاتان بۆ ئاشتی لە ساڵی 2023 بڵاوکرایەوە و بەو پێیەش ئایسلاند پلەی یەکەمی جیهانی گرتووە و قەتەریش یەکەمی دەوڵەتە عەرەبییەکان.
پەیمانگەی ئابووری و ئاشتی جیهانی بۆ جاری 17_یەمین ریزبەندی وڵاتانی جیهانی لە پێوەرەکانی ئاشتیدا بڵاوکردەوە، کە پشتی بە ئاستی ئاسایش و ئاشتی کۆمەڵگە و ئاستی ململانێ ناوخۆیی و هەرێمی و نێودەوڵەتییەکانی و بەکارهێنانی هێزی سەربازی بەستبوو.
بەپێی ریزبەندییەکە لەسەر ئاستی جیهانی ئایسلەند پلەی یەکەمی گرتووە، لەدوای ئەوانیش هەریەکە لە دانیمارک و ئێرلەندا و نیوزلەندا و نەمسا دێت.
هەر بەپێی ریزبەندییەکە لەسەر ئاستی دەوڵەتە عەرەبییەکان قەتەر لە پلەی یەکەم و کوەیت لە پلەی دووەم و شانشینی عوممان لە پلەی سێیەم و ئوردن و ئیمارات لە پلەکانی چوارەم و پێنجەم دێن.
