لیستی پاڵێوراوان بۆ خەڵاتی “لاوی ئاڵتوونیی ئەوروپا” بڵاوکرایەوە، جود بێلینگام تاکە یاریزانی ڕیاڵ مەدریدە ناوی لە لیستەکەدا هاتووە.
بەپێی لیستێکی سەرەتایی کە لەلایەن ” Golden Boy Index”وە بڵاوکراوەتەوە، (100) یاریزان پاڵێوراون بۆ بەدەستهێنانی خەڵاتی “لاوی ئاڵتوونی 2023 – گۆڵدن بۆی”.
لە نێو لیستەکەدا جود بێلنگامی یاریزانی نوێی ڕیاڵ مەدرید، گاڤی و ئەلیخاندرۆ باڵدی (بەرشلۆنە)، چاڤی سیمۆنز (ئایندهۆڤن) بوونیان هەیە، بەهێزترین پاڵێوراویش جەمال موسیالای ئەڵمانی و ئەستێرەی هەڵکشاوی یانەی بایرن میونشنە.
(10) بەهێزترین کاندیدەکان بۆ خەڵاتی لاوی ئاڵتوونی ئەمانەن:
- جەمال موسیالا (بایرن میونشن)
- جود بێلینگام (دۆرتمۆند – ڕیاڵ مەدرید)
- گاڤی (بەرشلۆنە)
- ئەنتۆنیۆ سیلڤا (بەنفیکا)
- ئەلیخاندرۆ باڵدی (بەرشلۆنە)
- چاڤی سیمۆنز (ئایندهۆڤن)
- فلۆریان ڤێرتز (بایەر لیڤەرکوزن)
- بنجامین سیسکۆ (سالزبۆرگ)
- دیڤاین ڕینش (ئەیاکس)
- جۆرجیۆ سکالڤینی (ئاتالانتا)
“گۆڵدن بۆی” خەڵاتێکی ساڵانەیە، دەبەخشرێت بە باشترین ئەو گەنجانەی تەمەنیان لە خوار (21 ساڵ)ەوەیە.
