ئەستێرەی لاوی یانەی بەرشلۆنە، ئانسو فاتی جەخت لە بەردەوامبوون دەکاتەوە لە یانەی بەرشلۆنە، تەواوی ئەو ئۆفەرانەش ڕەتدەکاتەوە کە پێشکەشیکراون.
دوای بەدەستهێنانی ناسناوی خولی نەتەوەکانی ئەوروپا، ئانسو فاتی بە ڕۆژنامەنووسانی ڕاگەیاند، “پلانم داڕشتووە لە بەرشلۆنە درێژە بە یاریکردن بدەم و تواناکانم بەرەوپێش ببەم، من گرێبەستم لەگەڵ یانەکەم هەیە و زۆریش بەختەوەرم.”
هەروەها دەڵێت، “دەمەوێت لەگەڵ بەرشلۆنە برەو بە تواناکانم بدەم و ئەزموون وەربگرم، هیچ گومانێکیشم لەبارەی بەردەوامبوونمەوە نییە.”
وەڵامەکانی فاتی دوای ئەوەی دێت، کە کە یانەی وڵڤەرهامپتن و چەند یانەیەکی دیکەی ئینگلتەرا ئۆفەریان پێشکەشکرد، لە بەرامبەردا ئیدارەی بەرشلۆنە چانسی بەردەوامبوون و ڕۆیشتنیان خستە بەردەستی خودی یاریزانەکە و لێپرسراوی کارەکانی.
