گواردیۆلای ڕاهێنەری مانچستەرسیتی بەتوندی وەڵامی ئەو ڕەخنانەی دایەوە كە كرابووە سەر یاریزانەكانی.
پێش ڕووبەڕووبونەوەی وێستهام ، گواردیۆلا لە كۆنگرەیەكی ڕۆژنامەوانیدا جەختی كردەوە لەوەی كە ئەوان ئامانجیان بەدەستهێنانی سێ خاڵی یارییەكەیە.
وتیشی: دەزانین وێستهام یانەیەكی بەهێزە بەڵام ئێمە دەچینە یاریگاكەیانەوە تا بردنەوە بەدەستبهێنین.
لەبارەی ئەو ڕەخنانەی پاتریك ئیڤرا و بێرباتۆڤ لە یاریزانەكانی گواردیۆلا گرتیان بەوەی بە كەسایەتی لاواز ناویان بردن، گواردیۆلا زۆر بە توندی وەڵامی هەردوو یاریزانەكەی دایەوە و وتی: “كاتێك لە یاریی كۆتایی چامپیۆنز لیگ لەگەڵ بەرشلۆنە لێمان بردنەوە، كەسایەتی ئەوان لەكوێ بوو؟”
وتەكانی گواردیۆلا
– دوو یاریمان ماوە و پێویستمان بەوەیە بەوەیە شەش خاڵ بەدەستبهێنین.
– كاری زۆرمان ماوە ئەم وەرزە ئەنجامی بدەین دواتر بیر لە وەرزی داهاتوو دەكەینەوە
– وێستهام تیپێكی بەهێزە بەڵام دەزانین كە سێ خاڵی یارییەكەش بۆئێمە گرنگە
– ئیڤراو بێرباتۆڤ دەڵێن یاریزانەكانی سیتی كەسایەتیان نییە منیش دەڵێم كاتی خۆی كە من لە بەرشلۆنە بوم لە یاریی كۆتایی چامپیۆنزلیگ لەناومان بردن كەسایەتی ئەوان لەكوێ بوو؟
– ئەو شتانە لە تۆپی پێدا ڕودەدەن و چەندین جار یارییەكان لە چەند خولەكێكدا تیپی براوەی دەگۆڕێت.
