ماڵپەڕی “لو 10 سپۆرت”ی فەرەنسی ئاشکرایکردووە، یانەی ڕیاڵ مەدرید نزیکە لە لەدەستدانی یەکێک لە ئامانجەکانی مێرکاتۆی هاوینە.
ڕیاڵ مەدرید لە هەوڵدایە گرێبەست لەگەڵ موسا دیابیی تەمەن 23 ساڵ و ئەستێرەی یانەی بایەرلیڤەرکوزن واژۆبکات.
“لو 10 سپۆرت” لە زاری فابریزیۆ ڕۆمانۆ-وە ئاشکرایکردووە، کە لە ئێستادا هیچ پێشکەوتنێک لە دانوستانەکانی نێوان ڕیاڵ مەدرید و دیابی-دا نییە، بگرە گفتوگۆکان ڕاگیراون.
ڕاگرتنی گفتوگۆکان پەیوەندی بە یەکلاییبوونەوەی داهاتووی ئاسینسیۆ، هەروەها براهیم دیازەوە هەیە، کە بە فەرمی وادەی خواستنی لە میلان کۆتاییدێت و دەگەڕێتەوە بۆ مەدرید.
لیڤەرکوزن بەرامبەر دیابی داوای زیاتر لە 30 یان 35 ملیۆن یۆرۆ دەکات، لە کاتێکدا چەندین یانەی گەورە گرنگییان بە یاریزانە فەرەنسییەکە داوە.
