چیرۆکی لویس ئێنریکی و ئیسپانیا کۆتاییهات

لە ڕاگەیەندراوێکی فیدراسیۆنەکەدا هاتووە، “لە ڕۆشنایی بەرەوپێشچوونەکانی ساڵانی ڕابردوودا، فیدراسیۆنی ئیسپانیا بڕیاریدا پڕۆژەیەکی نوێ بۆ هەڵبژاردەی نیشتمانی دەستپێبکات و لویس ئێنریکی لە پۆستەکەی دووربخاتەوە، سەرۆکی فیدراسیۆن، لویس ڕوبیالیس و بەڕێوەبەری وەرزشی، خۆسێ فرانسیسکۆ مۆلینا بڕیارەکەیان بە ڕاهێنەرەکە گەیاندووە.”

لە کۆتاییدا ڕاگەیەندراوەکەی فیدراسیۆنی تۆپی پێی ئیسپانیادا نووسراوە، “فیدراسیۆنی ئیسپانیا هیوای سەرکەوتن بۆ لویس ئێنریکی و تیمەکەی دەخوازێت لە پڕۆژە پیشەگەرییەکانی داهاتوویان، ڕاهێنەرەکە خۆشەویستی و سەرسامی هاوکارەکانی لە هەڵبژاردەی نیشتمانی و تەواوی فیدراسیۆنەکە بەدەستهێنا، هەڵبژاردەی ئیسپانیا هەمیشە ماڵی یەکەمی دەبێت.”

ئێنریکی لە ساڵی 2019وە پۆستی ڕاهێنانی ئیسپانیای وەرگرتووە، لە مۆندیالی 2022ی قەتەر نەیتوانی سەرکردایەتی پێکهاتەکەی ئیسپانیا بکات بۆ گەیشتن بە قۆناغە یەکلاکەرەوەکان، لە قۆناغی (16) بەرامبەر هەڵبژاردەی مەغریب شکستیهێنا و ماڵئاوایی لە پاڵەوانێتییەکە کرد.