قوباد تاڵەبانی جێگری سەرۆك وەزیرانی هەرێمی كوردستان رایدەگەیەنێت، پێویستە یەكسانی لە دابەشكردنی داهات هەبێت و دەشڵێت, ئێمە جارێ كارەبای پێویستمان نییە تاوەكو غاز هەناردەی دەرەوە بكەین.
لە دووەمین پانێڵی دیداری عێراق بۆ سەقامگیری و خۆشگوزەرانی لە بەغداد، جێگری سەرۆك وەزیرانی هەرێم راشیگەیاند، پێویستمان بە یاسای نەوت و غاز هەیە و پێویستە سەرەتا پێداویستییەكانی ناوخۆ لە غاز پڕبكەینەوە دواتر بیر لە هەناردەكردنی غاز بكرێتەوە.
وتیشی، “لە دابەشكردنی داهاتەكاندا پێویستە یەكسانی هەبێت و بخرێتە خزمەتی هاوڵاتییانەوە”.
