سەرۆك وەزیرانی عێراق بڕیاریدا بە پێكهێنانی لیژنەیەكی لێكۆڵینەوە سەبارەت بە رووداوەكانی كەركوك و جەختیكردووەتەوە ئەوانەی كە كەمتەرخەمبوون دەبێت لێپرسینەوەیان لەگەڵ بكرێت.
یەحیا رەسوڵ وتەبێژی فەرماندەی گشتیی هێزە چەكدارەكان رایگەیاند، “محەمەد شیاع سودانی فەرماندەی گشتیی هێزە چەكدارەكان فەرمانیكردووە بە پێكهێنانی لیژنەیەكی لێكۆڵینەوە بۆ خستنەرووی تەواوی راستی رووداوەكانی كەركوك.
ئاماژەی بۆ ئەوەش كردووە، سودانی جەختیكردووەتەوە پێویستە لێپرسینەوە لەو كەسانە بكرێت كە كەمتەرخەمبوون و رێوشوێنی یاساییان بەرامبەر بگیرێتەبەر.
