تەندروستی هەرێم توشبوونی زیاتر لە 200 كەسی نوێی بە كۆرۆنا ئاشكراكرد و دەشڵێت، زیاتر لە 300 توشبووش چاكبوونەتەوە.
وەزارەتی تەندروستی هەرێم ئەمڕۆ چوارشەممە 16ی كانونی یەكەم ئاماری 24 كاتژمێری ڕابردووی بڵاوكردەوە و دەڵێت، لەو ماوەیەدا سێ هەزار و 854 پشكنین ئەنجامدراوە و لەو ژمارەیە 238 توشبووی نوێ تۆماركراوە.
هەر لەو ماوەیەدا 309 توشبوو چاكبوونەتەوە و 11 توشبووش گیانیان لەدەستداوە كە زۆرترینیان لە سلێمانی بووە بە حەوت حاڵەتی مردن.
كۆی گشتی توشبووانی كۆرۆنا لە هەرێم 100 هەزار و 957 توشبوو، لەو ژمارەیە 65 هەزار و 592 توشبوویان چاكبوونەتەوە و سێ هەزار و 314 توشبووش گیانیان لەدەستداوە.
