له چێوه‌ی یارییه‌کانی گەڕانەوەی قۆناغی نیوەی کۆتایی جامی ڕایەڵەی یانە ئینگلیزییەکان “کاراباو کەپ”، یانه‌ی مانچستەر یونایتد له یاریگای خۆیدا بردنەوەی به‌رامبه‌ر نۆتینگهام فۆرێست تۆمارکرد.
ئه‌مشه‌و چوارشه‌ممه، یانه‌ی مانچستەر یونایتد له یاریگای “ئۆڵدترافۆرد” میوانداریی یانه‌ی نۆتینگهام فۆرێستی کرد، یارییەکە بە ئەنجامی دوو گۆڵی بێبەرامبەر لە بەرژەوەندیی ئەستێرەکانی ئێریک تین هاگ کۆتاییهات.
گۆڵەکانی “ڕێد دێڤڵز” لە خولەکەکانی 73 و 76 لەلایەن ئانتۆنی مارسیال و فرێدەوە تۆمارکران.
به‌پێی ئه‌نجامی یاریی چوون و گەڕانەوە، یانه‌ی مانچستەر یونایتد (5-0) سەرکەوتنی بۆ یاریی کۆتایی “کاراباو کەپ” مسۆگەرکرد، لەو یارییەشدا ڕووبەڕووی یانەی نیوکاسڵ یونایتد دەبێتەوە، کە ماوەی (47) ساڵە نەیتوانیوە بە فاینەڵی جامە مێژووییەکەی ئینگلتەرا بگات.
