پیپ گواردیۆلا ڕەزامەندی خۆی پیشاندا بەرامبەر ئەو ئاستەی یاریزانەكانی مانچستەر سیتی لە یارییەكەی برایتۆن پێشكەشیان كرد.
مانچستەر سیتی بە سێ گۆڵی بێ بەرامبەر سەركەوتنی بەسەر برایتۆن بەدەستهێنا و پێشەنگی ڕیزبەندی خولی ئینگلتەرای لە لیڤەرپوڵ وەرگرتەوە.
پاش یارییەكە گواردیۆلا جەختی كردەوە لەوەی كە تیپەكەی بەشێوەیەكی باش یاریی كردووە و ئاستێكی بەرزیشیان پێشكەشكردووە.
وتیشی: دۆخەكە لەبەرچاومانە و هیچ قورسییەكی تێدا نییە، لیڤەرپوڵ ئێستا یەكێكە لەباشترین یانەكانی مێژووی تۆپی پێ و پێویستە سەرجەم یارییەكانی كە ماومانە بیبەینەوە، چونكە یەك شكست یان یەكسان بونێك، ناسناوی پریمەرلیگمان لێ دووردەخاتەوە.
گواردیۆلا ستایشی ئاستی بەرزی دی برۆینی كرد و دڵخۆشیش بوو بە گەڕانەوەی ڕۆبن دیاز لە پێكانەكەی.
