نیکۆلۆ زانیۆلۆی ئەستێرەی لاوی ئیتاڵیا، خواستی لەسەر ئەوەیە ئەزموونێکی نوێ تاقیبکاتەوە و چەند یانەیەکی گەورە ئۆفەریان پێشکەشکردووە.
ڕۆژنامەی “لاگازێتا دێلۆ سپۆرت”ی ئیتاڵی بڵاویکردووەتەوە، نیکۆلۆ زانیۆلۆ لەگەڵ ئیدارەی یانەی ڕۆما دانوستاندنی دەستپێکردووە و ڕایگەیاندووە، کە دەیەوێت لە مێرکاتۆی زستانی 2023 بڕوات و ئەزموونێکی نوێ تاقیبکاتەوە.
سەرەتا یانەی تۆتنهام، پاشان یانەی ئەی سی میلان نزیکبوونەتەوە لە گواستنەوەی ئەستێرە هەڵکشاوەکەی ئیتاڵیا.
هەمان سەرچاوە نووسیویەتی، بەشێوەیەکی کتوپڕ و چاوەڕواننەکراو یانەی بۆرنمۆسی ئینگلیزی بۆندێکی بە تێچووی (30) ملیۆن پاوەند و چەندین پاداشتی زیادە پێشکەشی ڕۆما کردووە، ئەوەش تاوەکو ڕادەیەک دۆخەکەی لە تۆتنهام و میلان تێکداوە.
“سکای سپۆرت” نووسیویەتی، زانیۆلۆ ئیدارەی “جێلاڕۆسی”ی دووچاری سەرئێشە کردووە، چونکە یانە داواکارەکانی پارەی داواکراویان پێشکەش نەکردووە، یاریزانە (23) ساڵەکەش نایەوێت لە پایتەختی ئیتاڵیا بەردەوامبێت.
