ئەم دیمەنانەی لە وێنەكاندا دەیانبینیت، بیابان و دەشتی سەماوەن لە باشووری عێراق، كە بەهۆی بارانبارینەوە بووەتە ناوچەیەكی سەوز.
دەشتی سەماوە 64%ـی رووبەری پارێزگای موسەنا و 12%ـی كۆی رووبەری خاكی عێراق پێكدەهێنێت، 746 دۆڵ لە ناوچەكەدا هەن و بەشێكیان باراناوی ئەمساڵیان تێچووە و ناوچەكە لە رووی ژینگە و سەوزاییەوە بووژاوەتەوە.
جیاواز لەوەی كە باوە، ئەمساڵ چەندین ناوچەی بیابان و دۆڵی وشك لە وڵاتانی نیمچەدوورگەی عەرەب بووژاونەتەوە و بوونەتە سەوزایی، لەوانە سعودیە و یەمەن كە باران بیابانی گۆڕیوە بە مێرگ و سەوزایی.
