وەزیری ژینگەی عێراق رایگەیاند، ئەنجومەنی وەزیرانی عێراق بڕیاری كۆتایی لەسەر ناردنی 400 ملیار دینارەكە داوە و دواتر گۆڕانكاریی لە بڕیارەكە و شێوازی ناردنەكەی كراوە.
نزار ئامێدی وەزیری ژینگەی عێراق لە لێدوانێكدا بە تۆڕی میدیایی ئێستای راگەیاند، بەپێی بڕیاری نوێی ئەنجومەنی وەزیرانی عێراق 400 ملیار دینارەكە بانكی ( تی بی ئای) بۆ هەرێمی كوردستانی رەوانە دەكات و وەزارەتی دارایی عێراقیش كەفالەتی ئەو بڕە پارەیە دەكات كە دەنێردرێت بۆ هەرێم تاوەكو پەسەندكردنی بودجەی ساڵی 2023 بە فەرمی ئەو بڕە پارەیە وەك پشكی هەرێم لە بودجەدا جێیدەكرێتەوە.
