یانەى گریمۆی بەرازیلی لویس سوارێزی بە هاندەران و ڕاگەیاندنەکان ناساند.
لەبەردەم 40 هەزار هاندەردا و لە ئاهەنگێکی گەورەدا، سوارێز وەک هێرشبەری ژمارە 9ی یانەى گریمۆ ناسێنرا.
سوارێز ئاماژەى بەوەدا کە ئەو هەمیشە بەدواى ئاڵەنگێری بەهێزەوە بووە.
سوارێز بەڵێنی بەهاندەران دا کە زۆرترین گۆڵ بۆ یانەى گریمۆ تۆماربکات.
گرێبەستی سوارێز تا ساڵی 2024 دەبێت لەگەڵ ئەگەری نوێکردنەوەى بۆ وەرزێکی تر.
سوارێز پێشتر یاریی بۆ یانەکانی ئەیاکس و لیڤەرپوڵ و بەرشلۆنە و ئەتلەتیکۆمەدرید کردووە و دواتر چووەتە یانەى ناسیۆنالی ئۆرۆگوایی.
