لاپۆرتا دەڵێت ڕۆیشتنی مێسی لەسەر شانی منە و دڵتەنگم کە بەو جۆرە کۆتایی هاتووە، دەکرا باشتر چارەسەر بکرایە.
دەشڵێت بەرشلۆنە ماڵی مێسییە هەرکاتێک ویستی دەتوانێت بگەڕێتەوە.
بەشێک لە قسەکانی لاپۆرتا
– هیوادارم یاریزانەکانی بەرشلۆنە بەسەلامەتی لە مۆندیال بگەڕێنەوە
– ئەوەى زۆر گرنگە ئەوەیە کە توانیمان دۆخی قورسی دارایی یانەکە تێپەڕێنین
– تیروپشکەکە قورس بوو بۆ ئێمە لە یۆرۆپا لیگدا بەڵام ئامادەین بۆ هەموو یانەکان
– ئامانجی سەرەکیمان بەدەستهێنانی ناسناوی خولی تۆپی پێی ئیسپانیایە
– لەسەرەتاى وەرزەوە لەگەڵ پیکێ قسە دەکەین بۆ ئەوەى داهاتووی خۆی یەکلایی بکاتەوە، من دڵنیام لەداهاتودا هاوکارێکی باش دەبێت بۆ یانەى بەرشلۆنە
– مێسی دەزانێت کە بەرشلۆنە ماڵی ئەوە، بەڵام ئێستا یاریزانی پاریسە و ڕێزی ئەوە دەگرین
– کێشەکەى مێسی بە باشی نەمانتوانی چارەسەری بکەین، بەرپرسیارێتییەکە لەسەر شانی منە، هەستێکی ناخۆشی پێداوم، هەست دەکەم دەمتوانی باشتر چارەسەری بکەم.
– هەمیشە لە کاتە قورسەکاندا گەڕاومەتەوە بۆ یانەى بەرشلۆنە
– لە قۆناغی یەکەمی سەرۆکایەتیمدا، توشی کێشەى دارایی بوینەوە، ئێستاش کە گەڕاومەتەوە لەسەر دۆخێکی دارایی خراپ گەڕاومەتەوە.
