سێ هاوڵاتی بە تۆمەتی زیادەڕۆیی دەستگیرکران و پۆلیسی دارستان و ژینگە روونكردنەوە دەدات.
بەڕێوەبەرایەتیی پۆلیسی دارستان و ژینگەی پارێزگای سلێمانی رایگەیاند، “بە مەبەستی رێگریکردن لە دیاردەی زیادەڕۆیی، مەفرەزەیەكی بنکەی پۆلیسی دارستانی بازیان دەرچوون بۆ سنوورى گوندى (تووی ئەولیا) و توانییان سێ هاوڵاتی دەستگیربکەن”.
لە راگەیەندراوێكدا كە ئەمڕۆ پێنجشەممە بڵاویكردەوە، بەڕێوەبەرایەتیی پۆلیسی دارستان و ژینگەی پارێزگای سلێمانی لەبارەی هۆكاری دەستگیركردنی ئەو سێ كەسەوە دەڵێت، “بە شێوەیەکی نایاسایی سەرقاڵی هەڵکەندنی بیر بوون”.
لەو چالاكییەدا دەستگیراوە بەسەر ئامێرێکی بیرهەڵکەندنی کارەباییدا و پەڕاوی لێکۆڵینەوە رێکخراوە و رادەستی دادوەر کراوە بۆ وەرگرتنی رێکاری یاسایی، وەك راگەیەندراوەكەی بەڕێوەبەرایەتیی پۆلیسی دارستان و ژینگەی پارێزگای سلێمانی ئاشكرایكردووە.
