نازناوی فەخریی “دایكی پاڵەوان” بە ژنێك بەخشرا لەپای دایكایەتی بۆ 13 منداڵ، كە 11یان منداڵی خۆیین و دوو منداڵیشی هەڵگرتووەتەوە.
نازناوەكە لەلایەن ڤلادیمێر پوتین، سەرۆكی روسیا بەخشرایە میدنی قدیرۆڤا هاوسەری رەمەزان قادیرۆڤ-ی حاكمی پێشووی كۆماری چیچان.
هەردوو هاوسەرەكە لەئێستادا 11 منداڵیان هەیە (چوار كچ و 7 كوڕ) هەروەك دوو منداڵی دیكەشیان هەڵگرتووەتەوە.
نازناوەكە بەو ژنانە دەبەخشرێت كە هەڵگری رەگەزنامەی روسین و 10 منداڵ یان زیاتریان بووە و پەروەردە كردووە.
خاوەنی خەڵاتەكە بڕی یەك ملیۆن رۆبڵ (16.5 هەزار دۆلاری ئەمریكی)یشی پێدەدرێت، جگە لەوەی هاوشانی هەڵگرانی نازناوی (پاڵەوانی روسیا) و (پاڵەوانی كار) دەبێت لە رووی ئیمتیاز و مافەوە.
