دوای ئەوەی بە شێوەیەکی سنووردار دەروازەی نێودەوڵەتیی قائیم کرایەوە، جارێکی دیکە دەروازەکە بەرووی هاتوچۆی گەشتیاری و بازرگانی داخرایەوە.
دەروازەی نێودەوڵەتیی قائیم، یەکەم دەروازەی سنووری نێوان عێراق و سوریایە، لەدوای کەوتنی رژێمەکەی ئەسەد بە شێوەیەکی سنووردار بەرووی هاتوچۆی بازرگانی و هاتوچۆی هاوڵاتییان کرابووەوە.
میدیاکانی عێراق بڵاویانکردەوە، ماوەی دوو رۆژە دەروازەکە جارێکی دیکە داخراوەتەوە و رێگا بە هیچ هاوڵاتیی و ئۆتۆمبێلێک نادرێت تێپەڕێت.
ئاشکراشیانکرد، ئەو ئۆتۆمبێلانەی رێگایان پێدراوە تێپەڕبن بە بڕیاری دەسەڵاتێکی باڵای ئەمنی بووە.
لەدوای داخستنی دەروازەکە ژمارەیەکی زۆر لە هێزی مغاویری و پاسەوانی سنوور لەسەر سنووری نێوان هەردوو وڵات بڵاوەیانپێکراوە.
