چایخانەی بادینان، یەکێکە لە سیما دیارەکانی شەقامی مەولەوی و شاری سلێمانی و بە چا بەتامەکەی دەناسرێتەوە، خاوەنەکی کە خەڵکی سنووری بادینان بوو، شەوی رابردوو لە شاری سلێمانی کۆچی دواییکرد.
سەیدا مەحمود حەمید دەروێش، شەوی رابردوو لە تەمەنی 60 ساڵیدا لە سلێمانی بەهۆی نەخۆشییەوە دوای 15 ساڵ مانەوە لە شارەکە و کارکردن تیایدا بە یەکجاریی ماڵئاوایی لە ژیان کرد.
سەیدا، بەردەوام باسی لەوە دەکرد، کە سلێمانی شاری پێکەوەژیان و شاری رێز و خۆشەویستییە و هەر ئەوەش وای لێکردووە کارەکەی بهێنێتە شاری سلێمانی.
