دوابەدوای ئەوەی شەپۆلێکی بەفربارین لە درەنگانی شەوی رابردووەوە ناوچەکانی باکووری کوردستانی گرتووەتەوە، لە هەر یەکە لە مووش، هەکاری و بەدلیس ئاستەنگی هاتوچۆی دروستکردووە.
ئاژنسە هەواڵییەکان باس لەوە دەکەن، شەپۆلی بەفربارینەکە بووەتە هۆی دروستبوونی ئاستەنگی هاتوچۆکردن و رێگەی چەند گوندێکیشی بە تەواوەتی داخستووە.
تیمەکانی بەرگریی شارستانیی لە شارەکە سەرقاڵی کردنەوەی ئەو رێگایانەن کە بەهۆی بەفربارینەوە داخراون، بەمەبەستی ئەوەی هاوڵاتییان بتوانن کاروبارەکانیان رایی بکەن.
