دوای 84 ساڵ لە پەخش و كاركردنی بەردەوام، پەخش و بەرنامەی بەشەكانی عەرەبی و فارسی و هەشت زمانی دیکەی ڕادیۆی “BBC”ی بەریتانی بە یەكجاری ڕاگیران.
هۆكاری ڕاگرتنی پەخشی ئەو بەرنامانەی “BBC”، دەگەڕێتەوە بۆ قەیرانی دارایی و ئەو سیاسەتی “سكهەڵگووشین”ـەی دامەزراوە بەریتانییەكە پەیڕەویدەكات بە مەبەستی خۆڕێكخستنەوە و كەمكردنەوەی خەرجییەكانی كە بەپێی ڕاگەیەندراوی دامەزراوەكە، بەشە نێودەوڵەتییەكەی پێویستی بە 28.5 ملیۆن پاوەندە لە كۆی ئەو 500 ملیۆن پاوەندەی بۆ كارەكانی پێویستیەتی.
بەم بڕیارەی دامەزراوەی “BBC”، كارگێڕیی دامەزراوەكە 382 میدیاكار و فەرمانبەری لە كارەكانیان دەركرد و دەڵێت، پلانێكی نوێی كاركردن دادەڕێژێت و ئەو بەشانەی داخراون دەكرێن بە دیجیتاڵ میدیا “بۆ ئەوەی زیاتر خزمەت بە وەرگرانیان بكەن”.
